تحضير صوبا بطريقة ممتازة

هاد الشوربة سهلة كتوجد بسرعة و كتجي بنينة و غزالة كنتمنى من الاخوات يجربوها و يردو عليا الخبار

نبداو بالمقادير
الدجاج مقطع او غير القشيوشات او هما بجوج

2 او 3 البطاطا

2 او 3 خيزو

1 اللفت

1 بصلة كبيرة

1 مطشة

1 قرعة او كورجيت

150 غرام الروز

قزبور و معدنوس

معلقة صغيرة الملحة

شوية البزار

نص معلقة القرفة

كاس الزيت

الطريقة

كناخدو الكوكوط نديرو فيها الزيت و الدجاج و العطرية و البصلة و نشحروه مزيان ثم نزيدو الربيع مقطع رقيق

كناخدو الخضرة كنحكوها فالحكاكة الغليضة كنزيدوها على الدجاج كنديرو خيزو و اللفت و البطاطا و مطشة ثم نزيدو الروز و نمرقو بالماء حتى كتغطى الخضرة كنسدو الكوكوط و نخليوها تطيب 15 حتى ل20 دقيقة كنطفيو العافية و ها الشوربة ديالنا واجدة
كندوقوها من الملحة و نقدموها بالصحة و الراحة

» كيفية تحضير حليب نستله بالبيت